صبحيّة مع الربّ

يا ربّي يسوع، إنت النَّار والنَُور، النُّور اللي بيضوّي ظلمات حياتنا، والنَّار اللي بتحرق وبتطهّر من كل الشوائب والخطايا

يا ربّي يسوع، إنت النُّور والنَّار بعالمنا الضعيف والفاني، كل اللي بيرفضوك أكيد رح يحترقو بنار حبّك، واللي بيآمنو فيك رح يستنيرو بنورك الهادي

يا ربّي يسوع، إنت باب السما، كل اللي بيقبلوك بيفيض سرّك الإلهي عليون، واللي بيرفضوك أكيد رح يرفضو الله الآب ورح تكون آخرتن الإنفصال والعتمة

ما في حدا بيلتقي فيك يا ربّ إلّا بيتحرّك بداخلو، يا بيرفضك لأنّو مسلّم ذاتو للشرّير، أو بيتبعك لأنّو مسلّم ذاتو لروحك القدّوس

إنت بتعرف يا ربّ أعماقنا وشو في بقلوبنا، فيك منآمن وعا دربك بدنا نمشي، ثبّتنا فيك تا نكمل العمل بمشيئتك

/الخوري يوسف بركات/